13.02.2018

Білім сапасын жетілдірудегі білім беру ұйымдары қызметін ұйымдастыру, мектепішілік бақылау – басшылық 

      2018 жылы 9-10 ақпан күндері «Өрлеу» «БАҰО» АҚ филиалы «Алматы облысы ПҚ БАИ» Басқару және білім сапасы кафедрасының аға оқытушысы Майра Валиеваның ұйымдастыруымен Алматы облысы, Жамбыл  ауданы, Н.Құтпанбетұлы атындағы орта мектебінің базасында мектеп директорларына арналған «Білім сапасын жетілдірудегі білім беру ұйымдары қызметін ұйымдастыру, мектепішілік бақылау – басшылық» тақырыбында ғылыми-әдістемелік  оқыту семинары болып өтті.

Семинардың  мақсаты: Мектеп басшыларына білім сапасын жетілдірудегі білім беру ұйымдарында мектепішілік бақылау-басшылық  қызметін ұйымдастыру бағыттары мен жолдары жайлы талаптармен таныстыру, бағыт беру, тәжірибе алмасу.

Семинардың міндеттері:

  • білім берудің жаңаруы жағдайында оқу-тәрбие үдерісін және  педагогтардың қызметін заманауи талаптар негізінде ұйымдастыру  бағыттарымен таныстыру;
  • білім сапасын жетілдірудегі мектепішілік бақылау және оның жүргізілу жолдары жайлы түсінік беру;
  • мұғалімдер мен оқушылардың шығармашылық іс-әрекетін  қалыптастырудағы басшы құзыреттілігінің рөлі туралы  ой бөлісу.

Оқыту семинарына 50 мектеп басшысы қатысты.

Шара барысында   «Білім сапасын   басқарудағы мектеп басшының  менеджменттік құзыреттілік амалдары. Қазіргі менеджменттегі корпоративтік мәдениет: мақсаты, міндеті, құндылықтары», «Білім беру сапасын басқарудағы квалиметриялық ықпал. Мониторинг жүйесін жетілдіру» тақырыптарында дәріс оқылып,   

                

    «Мектепішілік бақылау: мектеп қызметін, тұлғалар қызметін  зерттеу,бақылау әдістері және жүргізу жолдары» тақырыбы аясында тренинг,  «Оқу – тәрбие үдерісін басқарудың  жаңа амалдары:инновациялық қызмет, көшбасшылық, менторинг» атты коучинг және мектепішілік бақылау қызметінің жүргізілу бағыттары жайлы  тәжірибе алмасу ұйымдастырылып,   ой бөлісілді, түсініктер мен әдістемелік нұсқау берілді.

    Семинар жұмысы атқарылған  жұмыстарға  аналитикалық талдау жасау, ой бөлісу, алда атқарылатын жұмыстарға бағыт-бағдар, тиісті нұсқаулар ұсынылуымен аяқталды. Оқыту семинарына қатысып, шығармашылық іс-тәжірибесімен бөліскені үшін мектеп басшыларына арнайы куәлік тапсырылды. Семинар бағдарламаға сай өткізіліп, жоспарланған жұмыстар толығымен іске асты.

 

3.jpg5.png6.png2.jpg1.jpg4.png