22.02.2018

ЖАҢАРТЫЛҒАН БАҒДАРЛАМА – ЖАРҚЫН БОЛАШАҚҚА БАСТАР ЖОЛ

 

    Қазақстанның білім беру саласы үлкен өзгерістерге жол ашуда. Бұл бағдарламаның мақсаты – пән бойынша Оқу бағдарламасын жаңарту және критериалды бағалау жүйесін енгізу мәнмәтінінде мұғалімдердің педагогикалық шеберлігін жетілдіру болып табылады.

    Мұғалімдерге өткізіп  жатқан  біліктілікті артттыру курсының жалпы мақсаты оқытудың жаңа әдіс-тәсілдерін енгізу арқылы Қазақтанның ұлттық білім беру жүйесіне арналған орта білім мазмұнын жаңарту бағдарламасымен таныстыру.

    Осындай келелі мақсатты арқалаған курс 2018 жылдың 12 ақпаны – 7 наурызына дейін Алматы облысы, Ұйғыр ауданы, №4 Шонжы орта мектебінде өтіп жатыр. Курсқа ауданның  қазақ сыныптарын оқытатын 25 қазақ тілі мен әдебиеті мұғалімі қатысуда.

      Білім беру реформасы табысының басты өлшемі – тиісті білім мен білік алған еліміздің кез келген азаматы әлемнің кез келген елінде қажетке жарайтын маман болатындай деңгейге көтерілуі болып табылады. Ал мұндай деңгейге жетудің алғышарты, бастапқы сатысы – мектеп табалдырығынан басталмақ. Сол себепті, білім беру ұйымдарына  жаңа білім мазмұнын енгізу үшін педагогика кадрларының біліктілігін арттыру мақсаты көзделіп отыр.        


   Курс тыңдаушылары  әртүрлі әдіс-тәсілдерді пайдалана отырып бағдарлама, мұғалімге арналған нұсқаулық, критериалды бағалау басшылығы сынды деректерді толық ашуға, талдауға, талқылауға, түсінуге, ізденуге, сәйкестендіруге, бағалауға, салыстыруға, сараптауға бағытталған  жұмыстарды жасап, өзгеріске қарай  бет алды. «Оқушылар алдында мұғалім рөлі қандай болу керек?», «Жаңа заманның оқушысына нені оқыту керек?», «Не оқыту керек?», «Қалай оқыту керек?» сынды  проблемалық сұрақтардың шешімін табуға оқытудың жаңа мазмұны қандай «мақсат, стратегиялар, ұстаным, әдіс-тәсілдерін ұсынады?» төңірегінде пікірталас, талқылаулар қызу қарқынмен жүргізілуде. Жаңартылған бағдарлама бойынша  педагогикалық әдіс-тәсілдерді төрт дағдыны меңгертуде тиімді үйренуді бастады. Курс тыңдаушыларының қызығушылықтары мен құлшыныстары бұл бағдарламаның маңызды қадам екендігін аңғартқандай.

 

Ләззат Орманбекова,

Ғылыми-жаратылыстану(гуманитарлық) пәндерді

оқыту әдістемесі мен инновациялық технологиялар

кафедрасының аға оқытушысы

4.png3.jpg2.jpg6.png5.png1.jpg