26.03.2018

ЖАРАТЫЛЫСТАНУ ПӘНДЕРІН ОҚЫТУДА КРИТЕРИАЛДЫ БАҒАЛАУ ЖҮЙЕСІН ҚОЛДАНУ

       2018 жылдың 19 наурыз күні «Өрлеу» «БАҰО» АҚ филиалы «Алматы облысы ПҚБАИ»  Ғылыми-жаратылыстану (гуманитарлық) пәндерді оқыту әдістемесі мен инновациялық технологиялар кафедрасының аға оқытушылары Л.Адыбаева, Д.Қартбаева және Ш.Мамытованың жетекшілігімен Алматы облысы, Талғар ауданы, Панфилов ауылы, №33 орта  мектепте   «Жаратылыстану пәндерін оқытуда критериалды бағалау жүйесін қолдану» тақырыбында ғылыми эксперимент жұмысы басталды.  

       Эксперимент жұмысының мақсаты: жаратылыстану пәндерін оқытуда критериалды бағалау жүйесін қолданудың әдістемелік негіздерін жетік меңгерту және  өзіндік бағалау дағдыларын дамыту.  

           Экспериментті жүргізу мерзімі мен кезеңдері: Даярлық (теориялық) кезең  – 2017-2018 оқу жылы; Практикалық (байқау) кезеңі  – 2018-2019 оқу жылы; Эксперименттің қорытынды кезеңі – 2019-2020 оқу жылының IІ жарты жылдығы деп жоспарланған. 

           Міндеттері:

  • жаратылыстану пәндері бойынша критериалды бағалау  жүйесін қолданып, оқыту формаларын пайдалану;
  • сабақ үлгілеріне ҚМЖ, ОМЖ, ҰМЖ  жоспарларына критериалды бағалау жүйесін енгізу және деңгейін айқындау;
  • сыни тұрғыдан ойлау технологиясы арқылы критериалды бағалау жүйесін жаратылыстану пәніне енгізудің қажеттілігін түсіну;
  • жаратылыстану пәнін оқытуда критериалды бағалау жүйесін сабақта қолдануды жетік меңгерту;
  • оқытудың жетістігін бағалауда Блум таксономиясын қолдану әдістерін талдау.

      География, биология, химия пәні мұғалімдерімен бірлесіп ғылыми эксперимент жұмысының жоспарын таныстырып, жұмысымызды айқындадық.

Мектеп директоры Э.Баймолдаева және оқу әдістемелік жұмыстар жөніндегі орынбасары Б.Елшибаева   қатысып, өз пікірлерімен бөлісті. «Өрлеу» «БАҰО» АҚ филиалы «Алматы облысы педагог қызметкерлердің біліктілігін арттыру институтымен» тығыз байланыста жұмыс жасайтындарын айтып, ризашылықтарын білдірді.

2.jpg1.jpg3.jpg5.png4.png6.png